陳泗記

中午路過中環, 見一支公, 打算吃四哥的叉雞飯, 豈料... 拆了!

轉貼自己一篇寫陳泗記的舊文:

***

老友家豪的爸爸在中環閣麟街開眼鏡店, 對面是馳名的大牌檔「陳泗記」, 家豪一家和檔主四哥四嫂熟稔, 會吃到四哥特別炮製的「好野」, 有時會帶我去見識見識。

四哥最拿手整海鮮, 他說過如果遇到不喜歡吃魚的人, 他一定會蒸魚給他吃, 保證他一吃上癮! 家豪通常會預早一天給四哥電話, 第二天四哥便會挑選當日的靚海鮮。

我有幸吃過幾款不同的蒸魚, 真的又鮮又香又滑! 四哥秘製的蒸魚豉油也獨步天下, 單用蒸魚豉油撈飯也可以連吃幾碗!

鹹魚蒸肉餅同樣叫人回味無窮, 肉餅很滑, 但有咬口, 最妙是鹹魚不是整塊放在肉餅上面, 而是去骨後跟豬肉一起絞碎, 鹹魚的鹹香完全滲入整件肉餅中, 又可以連吃幾碗白飯!

還有一味「涼瓜炒蛋」, 我一向嫌涼瓜苦, 四哥卻炒得又甘又香口, 印象中沒有一次過吃那麼多涼瓜。

我認為四哥不是一位廚師, 而是一名藝術家。他留了幾寸長的鬚, 廚藝達藝術境界。下午「落場」時, 他會擺一張長椅在馬路邊, 躺在椅子上聽收音機、喝喝啤酒。我老婆說他像國畫中的釣魚翁。

記得有一次四哥酒興大發, 拿出一支白蘭地和我們一起喝。我酒量淺, 但吃著又鮮又甘香的清蒸奄仔蟹, 不知不覺也喝了不少, 滿面滿身紅卜卜, 這大概是「飲飽食醉」的至高享受吧!

***

還有網上一篇訪問, 寫得非常好!

http://hk.motor.nextmedia.com/moDspContent.cfm?article_ID=("%2CG%3BROW%23"RX+%0A&CAT_ID=18


「 兩 位 呢 邊 坐 啦 ！ 唔 該 呢 位 先 生 坐 埋 一 便 … … 打 包 雞 鵝 飯 走 翼 ！ 噢 ！ what can I help you ？ won ton noodle 、 Local beer ！ OK ！ 喂 ！ 四 哥 ！ 5 號 碟 燒 肉 鵝 飯 得 未 ？ 人 等 好 耐 喇 ！ 你 快 得 唔 得 ？ 」 招 呼 客 人 的 四 嫂 ， 擘 大 喉 嚨 催 到 頭 殼 頂 冒 煙 。
對 老 婆 的 咆 哮 ， 他 像 聽 到 ， 又 好 像 沒 聽 到 ， 眼 尾 瞄 一 瞄 ， 然 後 慢 條 斯 理 的 斬 雞 斬 鵝 切 燒 肉 ， 一 塊 燒 肉 ， 嚓 嚓 嚓 嚓 一 下 一 下 的 斬 ， 方 方 整 整 ， 半 肥 半 瘦 ， 還 要 橫 刀 片 成 兩 半 ， 方 便 入 口 ...
「 樣 樣 齊 整 咪 好lor ！ 花 多 少 少 心 機 ， 橫 掂 都 要 切 咁 多 刀 個 咯 ！ 又 唔 花 得 你 幾 多 工 夫 。 」 斬 好 ， 小 心 用 手 把 肉 覆 在 飯 上 ， 綴 一 點 薑 蓉 ， 成 了 ！ 傳 菜 把 飯 送 到 客 前 ， 他 笑 瞇 瞇 的 一 路 望 ， 然 後 舉 杯 深 深 呷 一 口 咖 啡 ， 彷 彿 剛 完 成 了 一 件 藝 術 品 一 樣 滿 足 。

「 鵝 點 可 以 同 鴨 比 ？ 差 幾 班 啦 ！ 我 陳 泗 記 ， 由 老 竇 開 始 一 向 只 賣 鵝 ， 點 可 以 衰 0向 我 手 上 ？ 有 D 行 家 都 話 ， 而 家 外 邊 起 碼 七 成 人 都 唔 識 分 鵝 同 鴨 啦 ， 做 鴨 著 數 ， 我 話 做 鴨 留 番 你 ， 我 做 剩 低 果 三 成 得 la ！ 」 四 哥 說 。
做 生 意 只 做 三 成 ， 真 是 連 佛 利 民 聽 到 也 氣 到 彈 起 身 ！ 但 四 哥 卻 說 大 排 檔 皮 費 輕 ， 年 中 賺 多 賺 少 冇 所 謂 ， 一 年 拉 勻 可 以 就 算 數 ， 最 緊 要 有 酒 飲 有 煙 嘆 ， 和 有 人 識 欣 賞 他 的 食 物 。