天下為家

看了明珠台的"天下為家", 一個字: 正!!!

***

節目介紹了在絕地中人類怎樣生存, 段段精彩:

(1)

在非洲原野, 三個土人跟十五頭獅子搶食, 靠的是...膽!

獅子獵殺了一頭牝牛, 其它十數頭獅子趕上, 用利齒瓜分那頭牛, 吃到滿面鮮血..
這時, 三個土人只背著弓箭, 一臉冷酷, 昂首闊步的走向十五頭猙獰的獅子, 獅子羣見來者不善, 竟真的被嚇退! 當然, 作為萬獸之王, 獅子羣也不是省油的燈, 牠們躲在不遠的草叢靜觀其變. 土人一聲不響, 抽出利刀把大條牛腿割下, 扛在肩上, 然後頭也不回的離開, 獅子看得呆了, 見還剩下半隻牛, 也只好繼續吃...

回到山洞, 三個土人起火燒牛腿吃, 三人吃得津津有味, 一起暢談剛才的刺激情境:

土人A: 其實頭先真係好X驚, 切肉果陣慢D手腳都死...
土人B: 係AR...切得慢, D獅子就知你冇料到, 會返0黎咬死你, 之前有條友仔就係咁死Q左..
土人A: 驚還驚, 我地都叫做係15隻獅子度搶到D野食, 唔係個個夠薑咁做, 好多人係懦夫0黎..
(我: 下? 唔敢搶獅子野食就叫懦夫? 咁我係咩?)
土人C(望住D掛起0既肉, 好感慨咁): 唉, 屋企要有D生肉掛係度, 先至似返個家...

***
(2)

又係原野, 今次有獵人兩師徒...

師: 我地D弓箭唔夠大, 就咁射唔死D鹿, 要搽D毒汁係D箭頭度先得..

徒(心諗): 哇你唔早響, 家下荒山野嶺係邊樹搵D毒汁0黎搽?

說(諗)時遲, 那時快, 師父係個地下用手係咁挖... 挖左幾粒野出0黎, 剥開佢, 原來係某種甲蟲0既幼蟲!
師父用兩隻手指夾住條幼蟲, 直頭當佢係超能膠咁直接擠D汁落個箭頭度..

師: 呢D汁好堅GA, 一入血, 好快死..

徒(O咀, 帶點佩服):知道!

兩師徒係個坑度捕左七日, 終於見到隻鹿走失左, 跟住一齊射隻鹿, 中左! 兩師徒好開心, 一齊去追隻鹿, 隻鹿冇咁快死, 仲走到, 兩師徒追左十個鐘, 終於比佢地追到, 一齊殺左隻鹿抬返去...

(令我O咀0既係時間: "七日", "十個鐘")

***

(3)

蛇

係柬埔寨0既水涌, 一對父子以捉蛇唯生. 個仔... 得五歲!

佢地兩父子搖住一葉輕舟, 一齊係水度撈D蛇, 跟住返屋企, 靠岸0既時候, 個阿媽帶住兩個細佬妹(一個兩三歲, 一個BB)0黎接佢地...

男人: 老婆, 今日捉到好多蛇AR..

女人: 係咩, 咁快D拎D出0黎比D佢地玩LA

小朋友們: 好AR!!

跟住佢地一起當D活蛇係玩具咁玩..

五歲仔: 媽咪, 妳睇下呢條蛇幾得意? 佢咬住我隻手AR..

三歲女: 媽咪, 妳睇下靚唔靚? (佢將D蛇仔當手繩, 縳係自己隻手腕度..我見到條蛇個樣好無奈)

女人: 阿仔, 你睇住你隻蛋蛋AR, 佢捐緊入你條褲度AR...

一家人, 樂也融融.