數息

今朝大清早跑步，嘗試用「律政佬」教的跑步方法，就是碎步和數息。

碎步是指步幅細，步速快，很簡單。數息是指高度注意呼吸，一步一下，吸2下，呼6-8下。開始以為不難，誰知一跑才發現極難！首先心肺真的不太強，根本不夠氣！由一開始的吸２呼８改為吸２呼６，還是不太可以，而且跑到一段時間，數息和步伐不一致，令思想和氣息太亂！結果真的不太順利。返到公司留言給律政佬，很快收到回覆，在此記低：

***

你未掌握到呼吸, 都可跑到40分鐘, 其實體能已經好好. 你高挑身型, 掌握好呼吸, 一定可以跑得更好.又係果句, 聽落好簡單, 未經練習, 大部份人一路跑一路數息, 無幾耐都會數到亂哂. 數息無秘密, 純屬意志訓練, 一種mental discipline. 總之吸足氣, 然後就數6至8步, 然後先好呼氣. 亂左唔好理, 又吸足氣重新再來. 我依家練跑, 每次吸足氣, 數20步, 先換氣一次架. 所以, 我就算同你一樣跑40分鐘, 我吸氣次數會少你好多, 心肺內臟無咁易攰.

Mental discipline, 除了靠意志集中之外, 另一樣要留意, 就是理智上要不怕閉氣. 其實吸足氣的話, 肺內氧氣絕對可以支持你細步去跑6至8步, 先去換氣一次. 未經鍛練, 你身體的本能反應是每下吸氣, 並不習慣閉氣活動. 所以稍稍閉氣, 你潛意識會有點驚, 會亂, 因為這是身體的新體驗. Over-breathing, 其實會增加心肺負荷, 叫人更快覺得攰. 吸足氣, 不要急於換氣, 反而會越跑越舒服. 所以, 你要努力控制這想每下吸氣的本能, 要同自己講, 吸足一啖氣, 即使稍稍閉氣, 無可能跑唔到6至8下細步. 經過訓練, 你身體就會有信心稍稍閉氣, 不再急於換氣. 習慣了6至8步換氣一次, 慢慢, 可以試8-10, 10-12…, 你心肺功能就會一路提升.

***

上次第一次見面，他還送了一本書給我，是關於攀山的《眾神的山嶺》，令我很意外！
一個很特別的人。